വൈക്കത്തഷ്ടമി ഉത്സവത്തിന് കൊടിയേറി; പന്ത്രണ്ട് ദിവസം നീണ്ടുനിൽക്കുന്ന ആഘോഷം

കോട്ടയം: കോട്ടയം ജില്ലയിലെ വൈക്കം മഹാദേവ ക്ഷേത്രത്തിലെ ഏറ്റവും പ്രധാനപ്പെട്ട ഉത്സവമാണ് വൈക്കത്തഷ്ടമി. വൃശ്ചിക മാസത്തിലെ പൗർണ്ണമിക്ക് ശേഷമുള്ള എട്ട് ദിവസങ്ങളിലാണ് വൈക്കത്തഷ്ടമി ആഘോഷിക്കുന്നത്. അഷ്ടമി ഉത്സവത്തിനുള്ള കൊടിയേറി. 

വാദ്യമേളങ്ങൾ, മുത്തുക്കുടകളും ആനകളും, രണ്ട് സ്വർണ്ണക്കുടകളും, വെള്ളി വിളക്കുകൾ എന്നിവയുടെ അകമ്പടിയോടെയാണ് ഇന്നലെ ഉത്സവത്തിനായി കൊടിയേറിയത്. കൊടിമരച്ചുവട്ടിലെ കെടാവിളക്കിലും കലാമണ്ഡപത്തിലും ദീപം തെളിച്ചു. തുടർന്ന് അഷ്ടമിയുടെ ആദ്യ ശ്രീബലി നടത്തി. ക്ഷേത്രത്തിന്റെ നാല് ഗോപുര നടകളും രാപ്പകൽ തുറന്നിടും.

നവംബർ 12, 13, 14 ദിവസങ്ങളിൽ രാവിലെ 5 മുതൽ വെെകുന്നേരം 9 മണിവരെ വിവിധ തരത്തിലുള്ള പരിപാടികൾ ആണ് നടക്കുന്നത്. ശ്രീബലി, സംഗീത സദസകൾ, നൃത്തനൃത്യങ്ങൾ , തിരുവാതിര, ഉടുക്കു പാട്ട് എന്നീ പരിപാടികൾ എല്ലാം ഉണ്ടായിരിക്കും.

നവംബർ 15, 16, 17 ദിവസങ്ങളിൽ വിത്യസ്ഥമായ പരിപാടികൾ ആണ് നടക്കുന്നത്. രാവിലെ 8ന് ശ്രീബലി ഈ മൂന്ന് ദിനസങ്ങളിലും ഉണ്ടായിരിക്കും. തിരുവാതിര, സംഗീതാർച്ചന, പൂത്താലം വരവ് നൃത്തനൃത്യങ്ങൾ, ഭജൻസ്, ഉത്സവബലി ദർശനം, സോപാന സംഗീതം,കൂടിപ്പൂജ വിളക്ക് എന്നീ പരിപാടികൾ എല്ലാം ഉണ്ടായിരിക്കും.

നവംബർ 18, 19, 20 എന്നീ ദിവസങ്ങളിലും വിവിധ പരിപാടികൾ ആണ് നടക്കുന്നത്. ശ്രീബലി, സംഗീത സദസ്, 100ൽ പരം കലാകാരൻമാർ അണിനിരക്കുന്ന പഞ്ചാരിമേളം, തിരുവാതിര,പൂത്താലം വരവ്, ഭരതനാട്യം, ക്ഷേത്രത്തിലെ ഉടവാൾ എഴുന്നള്ളിപ്പ്, ഉത്സവബലി ദർശനം, ചോറ്റാനിക്കര വിജയൻ മാരാർ, ചേർപ്പുളശേരി ശിവൻ, വൈക്കം ചന്ദ്രൻ മാരാർ എന്നിവരുടെ പ്രമാണത്തിൽ 70ൽ പരം കലാകാരൻമാർ അണിനിരക്കുന്ന പഞ്ചവാദ്യം എന്നിവ നടക്കും. മാത്രമല്ല, മന്ത്രി വി.എൻ.വാസവൻ ആനയൂട്ട് പരിപാടിയിൽ പങ്കെടുക്കാൻ വേണ്ടി നവംബർ 20ന് എത്തും. പെരുവനം കുട്ടൻ മാരാരുടെ നേതൃത്വത്തിൽ പഞ്ചാരിമേളം, കഥകളി, കൊമ്പ് പറ്റ് എന്നിവയെല്ലാം നടക്കുന്നത് നവംബർ 20നാണ്.

നവംബർ 21, 22, എന്നീ ദിവസങ്ങളിലും വിവിധ തരത്തിലുള്ള പരിപാടികൾ ആണ് നടക്കുന്നത്. പഞ്ചവാദ്യം , തിരുവാതിര, വീണ കച്ചേരി, ഭക്തി ഗാനമേള, ഓട്ടൻതുള്ളൽ, സിനിമ താരം ദിവ്യ ഉണ്ണിയും സംഘവും അവതരിപ്പിക്കുന്ന നൃത്തനൃത്യങ്ങൾ വെടിക്കെട്ട് എന്നിവ ഈ ദിവസങ്ങളിൽ നടക്കും. നവംബർ- 23 നാണ് വൈക്കത്തഷ്ടമി. നവംബർ 24-ന് ആറാട്ടോടെ ഉത്സവം സമാപിക്കും. അഷ്ടമി നാളിൽ 121 പറ അരിയുടെ പ്രാതലുണ്ടാകും.