കോട്ടയം. : റെഡ് ക്രോസ് സ്ഥാപകൻ ജീൻ ഹെൻ്റീ ഡുനൻ്റ് അനുസ്മരണവും, ജീൻ ഹെൻറീ ഡ്യൂനൻ്റ് സ്മാരക ക്വിസ് സംസ്ഥാന തല മത്സരവും സംസ്ഥാന തല അഖില കേരള പ്രസംഗമത്സരവും ഇന്ന് നടന്നു. രാവിലെ നടന്ന അനുസ്മരണ സമ്മേളനത്തിന് ഇന്ത്യൻ റെഡ് ക്രോസ് സൊസൈറ്റി കേരള സ്റ്റേറ്റ് ബ്രാഞ്ച് ചെയർമാൻ അഡ്വ. കെ രാധാകൃഷ്ണൻ അധ്യക്ഷത വഹിച്ച യോഗം കോട്ടയം ജില്ലാ പഞ്ചായത്ത് പ്രസിഡൻ്റ് ശ്രീമതി കെ വി ബിന്ദു ഉദ്ഘാടനം ചെയ്തു. പ്രസംഗ മത്സരം ബാബു എസ് പ്രസാദ് സ്മാരക ഹാളിൽ വച്ചും ക്വിസ് മത്സരം അഡ്വ സുനിൽ സി കുര്യൻ സ്മാരക ഹാളിൽ വച്ചും നടന്നു. തുടർന്ന് നടന്ന സമാപന സമ്മേളനത്തിൽ കോട്ടയം ഡി ഡി ഇ ഓഫീസിലെ എ എ എസ് ശ്രീകുമാർ ഉദ്ഘാടനം ചെയ്തു. തുടർന്ന് മത്സരങ്ങളിലെ വിജയികൾക്ക് സമ്മാനങ്ങൾ വിതരണം ചെയ്തു.
റെഡ് ക്രോസ് കേരളാ സ്റ്റേറ്റ് ബ്രാഞ്ച് വൈസ് ചെയർമാൻ ജോബി തോമസ്, ജനറൽ സെക്രട്ടറി എസ് അജയകുമാർ, സംസ്ഥാന മാനേജിംഗ് കമ്മറ്റി അംഗം KS സുമേഷ്, ജൂനിയർ റെഡ് ക്രോസ് സ്റ്റേറ്റ് കോ ഓർഡിനേറ്റർ ശിവൻ പിള്ള ജൂനിയർ റെഡ്ക്രോസ് സ്റ്റേറ്റ് കോ -ഓർഡിനേഷൻ കമ്മറ്റി ചെയർമാൻ ബിനു കെ പവിത്രൻ, കോട്ടയം ജില്ലാ റെഡ് ക്രോസ് ട്രഷറർ കണ്ണൻ മറ്റത്തിൽ, കോട്ടയം താലൂക്ക് റെഡ് ക്രോസ് ചെയർമാൻ വി എ മോഹൻദാസ്, YRC ജില്ലാ കോ-ഓർഡിനേറ്റർ സാബു കെ കുര്യൻ എന്നിവർ സംസാരിച്ചു.