രക്ഷാപ്രവര്ത്തനവും പുനരധിവാസത്തിന് വേണ്ടിയുള്ള പ്രവര്ത്തനങ്ങളും പുരോഗമിച്ച് കൊണ്ടിരിക്കുകയാണ്. സമാനതകളില്ലാത്ത ദുരന്തമാണ് വയനാട് അനുഭവിച്ചുകൊണ്ടിരിക്കുന്നത്. നൂറുകണക്കിന് പേര്ക്ക് ജീവന് നഷ്ടമായി. ഈ സാഹചര്യത്തിലാണ് ആഘോഷങ്ങള് ഒഴിവാക്കുന്നതെന്ന് മന്ത്രി അറിയിച്ചു.
അതേസമയം മുണ്ടക്കൈ, ചൂരല്മല ഉരുള്പൊട്ടല് ദുരന്തത്തില് കാണാതായവർക്കായി ഇന്ന് നടത്തിയ തിരച്ചിലില് ഒരു മൃതദേഹവും ഒരു ശരീരഭാഗവും കൂടി ലഭിച്ചതായി മന്ത്രി പറഞ്ഞു. ഇതോടെ മരിച്ചവരുടെ എണ്ണം 226 ആയി. ദുരന്തമേഖലയില് നാളെ ജനകീയ തിരച്ചില് നടത്തും. ആറ് മേഖലകളായി തിരിഞ്ഞാണ് പരിശോധന നടത്തുക.
ഉരുള്പൊട്ടല് സംഭവിച്ച മേഖലയില് മേപ്പാടി 14 ക്യാമ്ബുകള് പ്രവര്ത്തിക്കുന്നു. 641 കുടുംബങ്ങളാണ് ഇവിടെയുള്ളത്. അതില് 735 പുരുഷന്മാരും 743 സ്ത്രീകളും 464 കുട്ടികളും അടക്കം 1942 പേരാണ് ഉള്ളത്.
ഉരുള്പൊട്ടലിന്റെ പശ്ചാത്തലത്തില് ക്യാമ്ബുകളില് കഴിയുന്നവരുടെ താത്ക്കാലിക പുനരധിവാസം ഉറപ്പാക്കാന് പൊതുമരാമത്ത് വകുപ്പിന് കീഴിലെ 27 ക്വാട്ടേഴ്സുകള് ഉള്പ്പെടെ 91 സര്ക്കാര് ക്വാര്ട്ടേഴ്സുകള് ലഭ്യമാക്കും.