യോഗത്തില്‍ വയനാട്ടില്‍ ക്യാമ്ബ് ചെയ്യുന്ന മന്ത്രിമാർ, ജില്ലയിലെ എംഎല്‍എമാർ, ജില്ലാ പഞ്ചായത്ത്‌ പ്രസിഡന്റ്‌, വിവിധ രാഷ്ട്രീയപ്പാർട്ടി നേതാക്കള്‍ തുടങ്ങിയവർ പങ്കെടുക്കും.
രക്ഷാ ദൗത്യം, ദുരിത ബാധിതർക്കുള്ള ധന സഹായം, പുനരധിവാസം ഉള്‍പ്പെടെയുള്ള കാര്യങ്ങള്‍ യോഗത്തില്‍ ചർച്ച ചെയ്യും. ഇതിനു മുമ്ബായി രാവിലെ 10:30-ന് മുഖ്യമന്ത്രിയുടെ അധ്യക്ഷതയില്‍ ഉദ്യോഗസ്ഥരുടെ യോഗവും നടക്കും. നിലവിലെ സ്ഥിതിഗതികള്‍, ദുരിതാശ്വാസ ക്യാമ്ബുകളിലെ അവസ്ഥ തുടങ്ങിയവ വിലയിരുത്തും.
ദുരന്തത്തില്‍ ഇതുവരെ മരണം 276 ആയതായാണ് റിപ്പോർട്ട്. ഇരുന്നൂറ്റി നാല്‍പ്പതിലേറെ പേരെ കാണാനില്ല. മരണസംഖ്യ ഇനിയും ഉയരുമെന്നാണ് സൂചന. ചെളിനിറഞ്ഞ വീടുകളില്‍ ഇനിയും ആളുകള്‍ കുടുങ്ങിക്കിടക്കുന്നുണ്ടെന്നാണ് സംശയിക്കപ്പെടുന്നത്. തിരച്ചില്‍ മൂന്നാം ദിവസം രാവിലെ ആരംഭിച്ചിട്ടുണ്ട്.