കോഴിക്കോട്: കോഴിക്കോട് സൗത്ത് ബീച്ചില് ഇടിമിന്നലേറ്റ് ഏഴ് പേര്ക്ക് പരിക്ക്. പരിക്കേറ്റവര് കോഴിക്കോട് ബീച്ച് ആശുപത്രിയില് ചികിത്സയിലാണ്. പരിക്കേറ്റവരില് ഒരാള് അതിതീവ്ര പരിചരണ വിഭാഗത്തില് ചികിത്സയില്.
ഇന്നുച്ചയോടെയായിരുന്നു സംഭവം. ബീച്ചില് വിശ്രമിക്കുകയും ജോലി ചെയ്യുകയും ചെയ്തിരുന്നവര്ക്കാണ് ഇടിമിന്നലേറ്റത്. പരിക്കേറ്റവരില് ഒരാള് 17 വയസുകാരനാണ്.
ചാപ്പയില് സ്വദേശികളായ മനാഫ്, സുബൈര്, അനില് അഷ്റ്ഫ് , സലീം, അബദുള് ലത്തിഫ് ജംഷീര് എന്നിവര്ക്കാണ് പരിക്കേറ്റത്. ബീച്ചില് ആളുകള് പെട്ടെന്ന് തളര്ന്ന് വീഴുന്നത് കണ്ട ദൃക്സാക്ഷികളാണ് ഇവരെ ആശുപത്രിയില് എത്തിച്ചത്.