കോട്ടയം: കനത്തമഴ, വെള്ളപ്പൊക്കം എന്നിവയെത്തുടർന്ന് കോട്ടയം ജില്ലയിൽ 27 ദുരിതാശ്വാസ ക്യാമ്പുകൾ പ്രവർത്തിക്കുന്നു. 149 കുടുംബങ്ങളിലെ 531 പേരാണ് സുരക്ഷിതകേന്ദ്രങ്ങളിലുള്ളത്. 212 പുരുഷൻമാരും 203 സ്ത്രീകളും 116 കുട്ടികളും സുരക്ഷിത കേന്ദ്രങ്ങളിൽ കഴിയുന്നു.
വെള്ളിയാഴ്ച 11 ക്യാമ്പുകൾ കൂടി തുറന്നു. കോട്ടയം താലൂക്ക് 21, മീനച്ചിൽ മൂന്ന്, വൈക്കം ഒന്ന്, ചങ്ങനാശേരി ഒന്ന് എന്നിങ്ങനെയാണ് ദുരിതാശ്വാസ ക്യാമ്പുകളുടെ എണ്ണം.