ചന്ദ്രി വീടിന്റെ മേല്ക്കൂരയില് നിന്ന് കാല് തെറ്റി താഴേക്ക് വീഴുന്ന സമയം താഴെ വാഹനത്തില് നിന്ന് ഓട് ഇറക്കുകയായിരുന്ന രഞ്ജിഷ്. ഏറെ ഉയരത്തില് നിന്നുള്ള വീഴ്ചയായിരുന്നിട്ടും രഞ്ജിഷിന്റെ സമയോജിതമായ ഇടപെടലാണ് ഗുരുതരപരിക്കുകള് ഏല്ക്കാതെ ചന്ദ്രിയെ രക്ഷപ്പെടുത്തിയത്.
കല്ലുമ്മക്കല് പള്ളിക്ക് സമീപമുള്ള ഇരുനില വീടിന്റെ മേല്ക്കൂരയിലെ ഓട് മാറ്റുന്ന ജോലിക്കിടെയാണ് ചന്ദ്രി അബദ്ധത്തില് കാല്വഴുതി താഴേക്ക് വീണത്. ഈ സമയം രഞ്ജിഷ് താഴെ വണ്ടിയില് നിന്ന് ഇറക്കിയ ഓടുകള് കപ്പിയും കയറും ഉപയോഗിച്ച് മുകളിലേക്ക് കയറ്റുകയായിരുന്നു. ചന്ദ്രി താഴേക്ക് വീഴുന്നത് കണ്ട രഞ്ജിഷ് ഒട്ടും വൈകാതെ അവരെ കൈകള് കൊണ്ട് താങ്ങിപ്പിടിക്കുകയായിരുന്നു.
കൈകള്കൊണ്ട് രഞ്ജിഷ് താങ്ങിയെങ്കിലും താഴെ നിറുത്തിയിട്ടിരുന്ന വാഹനത്തില് ചന്ദ്രിയുടെ തല ഇടിച്ചു. എന്നാല് ചെറിയ പരിക്കുമാത്രമേ ഏറ്റുള്ളൂ. രഞ്ജിഷ് താങ്ങിയില്ലെങ്കില് പരിക്ക് ഗുരുതരമായേനെ. നിലവില് ചികിത്സയില് കഴിയുന്ന ചന്ദ്രിക്ക് കാര്യമായ ആരോഗ്യപ്രശ്നങ്ങളൊന്നുമില്ലെന്നാണ് അറിയുന്നത്.
ചന്ദ്രിയും രഞ്ജിഷും വളയം സ്വദേശികളാണ്. ഒരുമിച്ചാണ് ഇവർ ഇവിടെ ജോലിക്കെത്തിയതും രഞ്ജിഷ് ചന്ദ്രിയെ രക്ഷപ്പെടുത്ത വീഡിയോ പുറത്തുവന്നിട്ടിണ്ട്. നിരവധിപേരാണ് രഞ്ജിഷിന് അഭിനന്ദനവുമായി എത്തിയത്